...在細細說聲"但願每天也望見...

「20 年前陽光檸檬茶廣告」的經典廣告片放上網，瀏覽人次竟高達14 萬多。這個廣告的男主角，正是87 年初入行的鄭伊健，當年他以學生王子look 出現，被一女學生暗戀，女學生經常在校園追尋伊健影蹤，但鼓不起勇氣與伊健交談，直至某日避雨時再遇伊健，獲對方送上檸檬茶一包.

---------------------
當初相遇時回頭在笑
望著笑臉感覺像似首詩
每次見他將心意合成字句
偷偷的say"Hello"
如陽光 伴我
清新笑迎面
願照遍我心
自視每天快樂過
如陽光 伴我
心中更明亮
在細細說聲"但願每天也望見"

雙層牛肉巨無霸

雙層牛肉巨無霸 , 醬汁洋葱夾青瓜 . 芝士生菜加芝蔴 , 人人食過笑哈哈

網友 comment:

最近，麥當勞快餐店舉辦賀歲急口令大挑戰遊戲，吸引很多市民參與。
咁大家記唔記得......「雙層牛肉巨無霸，醬汁洋蔥夾青瓜，芝士生菜
加芝麻，人人食過笑哈哈」的急口令字句呢？

呢個係十七八年前的麥當勞「巨無霸」急口令廣告。當年麥當勞請來一
位男子（我不肯定是否當時的無線藝員，如果知道請補充）和一位小朋
友，於麥當勞分店一齊唸急口令，當年要求是六秒之內完成，兩位男子
第一次以五秒八九完成，然後小朋友覺得成績不佳，再唸過，跟著以四
秒二三完成。當年的獎品是一張墊盤紙大小一樣的獎狀。

大約十五年後的二零零零年初，麥當勞再辦同類遊戲，急口令內容同第
一次一樣，不過要求比第一次提高了，要求要五秒之內完成。獎品是麥
當勞食品銷匙扣。當年廣告開頭有三批人，分別在戲院售票處，室內遊
樂場代幣找換處，和中藥店唸急口令，結果被曾志偉嘲笑佢地去錯地方
唸急口令，然後介紹遊戲規則後，曾志偉最後模仿當年無線電視節目《
超級無敵獎門人》的「Super!」打開雙手姿勢完結。

今年麥當勞推出賀歲急口令大挑戰，廣告內麥當勞與大家「共渡時艱」，
廣告開頭影著商業區，和多位代表未來主人翁的年輕人和小朋友，廣告
對白謂「勤快的香港人，一定可以挑戰迎接每分挑戰。」，然後鏡頭一
轉便是麥當勞急口令，同埋鼓勵大家去麥當勞玩急口令過農曆新年。

不過，最有驚喜的是在農曆新年前夕，電視機出現無線藝員在電視城古
裝街向大家講一些「創新」的賀年對聯「大吉大利巨無霸，蘋果批熱暖
萬家。年年有餘魚柳飽，薯條常滿笑哈哈」，令好多電視觀眾都有錯覺，
不明白為什麼今年無線藝員賀年祝賀廣告咁特別兼無厘頭，原來是麥當
勞的好主意！最初該輯廣告沒有出現麥當勞標誌，後來經電視觀眾反映
後，有關廣告加上麥當勞標誌了。

唔經唔覺，三代麥當勞急口令廣告已經相隔接近二十年了。不知何時，
當麥當勞推出第四代麥當勞急口令時，大家已經長大成人，成家立室了。

上杉達也, 上杉和也, 淺倉南...

網友 comment:

《中學的時候，跟著漫畫周刊每個禮拜幾頁幾頁那樣看鳥山明的七龍珠和安達充的TOUCH。記得那時的漫畫周刊好大的開本，要對折才收得進書包裡。有一期封面，好像是體操隊的淺倉南，穿粉紅色的緊身衣擺著一個體操標準姿勢。竟然從此就喜歡她，還把那期的封面剪下來收藏。後來有一年寒假從台北回來，看到淺倉南的封面還壓在抽屜裡，抽出來看，卻還是有些發黃了。

有時我會迷惑於對安達充漫畫泛起的那種幽微情感。他總是故意色色地讓他的女孩主角們誘惑青春正茂的少年，卻又讓當時的我不敢向沉迷在北斗神拳聖堂教父城市獵人當然還有七龍珠的死黨們承認我喜歡安達充的漫畫（什麼？你喜歡看這種少女漫畫？！）。所以我只能一個人躺在房間裡，私密如暗戀般地，看到達也在一處迎風草坪向淺倉南表白：“上杉達也愛上淺倉南了。”才安心又悵然若失地閤上書頁。

浪漫靈感...

浪漫靈感鐵達時
　
網友 comment:

９０年代初，鐵達時手錶曾製作了一系列廣告。廣告以抗日戰爭為背景，配上當紅藝人及動聽的音樂，並在廣告末段帶出「不在乎天長地久，只在乎曾經擁有」的宣傳口號，成為不少同輩香港人的集體回憶。當時只是被一系列電影式的廣告吸引著，現在長大了，再用另一種方法欣賞這批廣告，竟也讀出另一番風味：


廣告都以抗日戰爭的大歷史，襯托出亂世兒女的感情。
這系列廣告，以不同立場的人物作重心【周潤發是抗日空軍英雄；王傑是被迫走難的文人（？）；梅艷芳是漢奸川島芳子（由她主演的電影《川島芳子》於１９９０年上映）】，三個主角雖然位置不同，但導演卻以他們的愛情為情節重心，這不就像張愛玲的《傾城之戀》？
「不在乎天長地久，只在乎曾經擁有」的口號，為甚麼能觸動人心，與當代社會的愛情觀有甚麼關係？另外口號的創作人原來叫 Iris Lo，現為Bates Advertising 的創作總監。
根據廣告製作人透露，這是香港第一批以電影拍攝手法製作的廣告，這批的電影語言有甚麼特色？
電影配樂分別是白光的《等著你回來》與 Ennio Morricone 作曲的 La Califfa （卡里夫的女人），配樂內容%

一幽風飛散髮~披肩, 眼裡散發一絲~恨怨

電視劇 藍月亮-- 主颢曲

網友 comment:

weekend終於有機會睇番期待o左十幾年o既亞視經典青春劇“藍月亮”…哈哈…其實又無咁誇o既, 不過因為多年來大家講起亞視經典青春劇, 除o左會提到“大提琴”, “點解阿sir係隻鬼”(但係呢套又not exactly係呢個範疇) 之外 (咁仲有七/八十年代o既麗的o既青春劇“IQ成熟時”, “青春三重奏”, “甜甜廿四味”, “驟雨中的陽光”等)…一定會講到呢套曾經都幫亞視吸納o左一班年青捧場客, 搶到少少收視o既“藍月亮”…因此作為一個資深電視精, 尤其有時都幾挫強扶弱地喜歡睇亞視, 學況天佑話齋: 會欣賞亞視o既誠意o既電視迷…未睇過呢套劇的確係一個遺憾!

多得亞視o係17年後終於肯重播 (我唔排除o係十七年裡面佢係有重播過但我miss左…咁只可以話我o地係無緣份…永遠我都只係睇到“大提琴”同埋“q表姐”)…等我可以還o左呢個心願!

依家只係睇o左頭幾集, 仲係講緊羅頌華哥哥o係街上邂逅o左驚為天人o既潔儀姐姐, 視為夢中情人…萬二蚊亦都出現o左, 佢飾演依家癲o左o既容錦昌哥哥o既夢中情人…咁故事發展落去我諗會係容鍾意萬, 萬又鍾意羅, 羅就鍾意袁…愛情十角錯咁囉…咪就係青春劇o既typical劇情…無無聊聊, 好“荳芽夢”o個隻…但唔知點解又幾好睇喎?!

其實點解叫劇名叫“藍月亮”呢? 純粹係因為當時呢首歌hit呀? 定係另有別情?! 不過就算係純粹因為隻歌hit而改呢個名都無壞o既…起碼可以引起大家注意嘛! 同埋克勤o個期又真係紅透半邊天o既! 至少一響起主題曲個音樂, 都會引起到大家注意…成套劇暫時最搶o既, 我覺得真係首主題曲囉! 一開始o係度“一幽風飛散髮披肩…”已經令你望去個電視度…經典o既歌, 始終都係經典, 尤其係我o地成長階段o既經典歌…難怪克勤可以不停咁唱舊歌, 開佢d “食老本”concert都長賣長有, 仲因此而鹹魚翻生…因為喜歡“老本”o既大有人在…我都係“老本”界o既一大支持者!

哈哈哈…個片頭係一張張定格o既相…唔知點解好有當年大紅組合夢劇院o既feel! 真的好八十年代啊! 就咁睇個片頭, 呢套劇裡面又好似真係潔儀姐姐吸引過萬二蚊...唔怪得知劇中羅頌華哥哥情傾佢啦!

同埋, “一生不變”真係好好聽, 好o岩做呢種青春劇o既主題曲…克勤o個期真係好多呢d大熱歌, 熱足廿年…唔睇番都唔知當時佢隻歌真係咁hit…唔怪得知o係十幾年後九唔搭八o既“酒店風雲”, 都要一連幾個occasions唱呢隻歌, 令佢十幾年後無啦啦又熱播過…我記得舊年仲有好多人因為search呢首歌而進入o左我o既日記添!

呢套“藍月亮”仲要突破到每集開場前都搵個不同o既少女出o黎講o下o野, 講o下d少女情懷, 再relate落劇情度…幾騎呢, 但幾得囉! 同埋會扮到好似d點唱環節咁, 懶係點o下歌, 好似話當年仲令到有好多少男少女寫信去亞視點唱添…都幾成功o下!

當年無線就每年有青春劇, 八十年代尾至九十年代初幾乎套套都由克勤擔正…當時o既佢又真係幾適合做呢d青春劇o既主角o既…88年o既“不再少年時”, 89年o既“淘氣雙子星”, 91年o既“浪族闊少爺”, 之後o個d雖然唔係青春劇, 但佢以歌星身份都幾乎每年有一套劇上, 係威囉…果然係無線契仔! 咁佢又青春活力, 又幾精靈, 做戲又唔差, 唱歌又得, 個樣其實都唔錯 (我唔明點解大家唔認同囉…objectively, 我真係覺得佢以前幾靚仔o架喎!)…

tvb 青春劇就俾克勤包辦晒, atv就幾乎係羅頌華o既天下! 雖然佢同克勤無得比…但o係亞視o黎講佢都真係幾適合做呢d青春劇男主角o既! 當年亞視一連幾套青春劇, 都係有羅頌華+袁潔儀+萬綺雯…羅頌華哥哥同潔儀姐姐直頭係螢幕情侶添啦!

睇番呢d“陳年”青春劇都幾搞笑…好typical o個種八十年代feel…亦都同tvb同年代o既“不再少年時”感覺有d相似! 最鍾意就係有好多當年o既街景睇 (呢個亦都係我深夜時份好鍾意睇粵語長片o既原因…但只限時裝o個隻, 因為有好多六七十年代街景)…睇到d舊街道, 商舖十七年後o既變化 (真係估唔到咁就十七年…好恐怖!)…仲見到我成日行o個條中環通去上環o既橋! 同埋仲可以睇番當時個trend…例如d少女會送幸運星俾心儀o既男同學…因為1989年o岩o岩播完“義不容情”, 掀起o左個摺幸運星熱潮!

跟住又會搞o下d聖誕舞會, 影o下d聖誕燈飾…感覺好festive囉! 你知我最鍾意睇呢d校園戲…仲要有埋歌聽o個o下抵死! 除o左好配合個feel o既主題曲, 仲有每集都配好多歌落d劇情度, 好似音樂特輯咁…好o岩年青人! 仲發覺原來o個期好興郭小霖d歌…“夢中見”都播o左幾次!

潔儀姐姐當年個感覺真係好純潔, 好天真瀾漫…萬二蚊塊面包包o地咁, 都幾可愛! 羅頌華同容錦昌哥哥都ok o既! 仲有一個做羅頌華個妹o既細路, 好熟口熟面, 仲有做邊套戲呢?! 嘩, 佢真係超老績, 成個八婆仔咁…但係d戲都做得幾好, 幾自然!

呢套咁係我杯茶o既劇…真係點解當年我無睇過o既呢?! 聽金美姐姐講, 呢套劇係同無線“天涯歌女”打對台…咁唔怪得知啦! 我o個時又好似真係掛住睇松松姐姐o既,“天涯歌女” , 唔怪得知連同時段有套潔儀姐姐o既 “藍月亮”我都唔知啦!

睇睇o下原來呢幾個主角都曾經係兒童節目主持…潔儀姐姐唔在講啦, 容錦昌哥哥我都有睇過佢主持“500飛虎隊”(同“430穿梭機”打對台o既節目)…咁究竟羅頌華哥哥係咪都曾經主持過同一個節目呢?! 我好似有d印象…有無人記得呀?!

“藍月亮"真係ok o架喎…如果你係同我一樣鍾意睇青春劇o既朋友…不妨都錄幾集o黎睇o下! 一齊懷緬o下八十年代嘛!

一生不變 曲:彭永松/范俊益 詞:向雪懷 編:盧東尼

一幽風飛散髮 披肩 眼裡散發一絲 恨怨

像要告訴我 你此生不變

眉宇間刺痛匆匆暗閃

憂憂戚戚循環 不斷

冷冷暖暖一片 茫然

視碰上你 怎不心軟

唯有狠心再多講 講一遍

* 蒼天不解恨怨 痴心愛侶仍難如願

分開須不可改變 但更珍惜一刻目前

可知分開越遠 心中對你更覺掛牽

可否知痴心一片 就算分開一生不變

* 反反覆覆多次 失戀 進進退退想到 從前

讓我再吻你 吻多一遍 別了不知那一天(再)相見

Repeat

* 反反覆覆多次 失戀 進進退退想到 從前

讓我再吻你 吻多一遍 別了不知那一天再相見